Námskeið

Fjölbreytt námskeið verða haldin af Slysavarnafélaginu Landsbjörg í okkar nágrenni næsta vetur. Þið getið skoðað dagatalið okkar og dagskrá Björgunarskólans til þess að sjá námskeiðin og tímasetningar.

Það er af nógu að taka og við munum hafa nóg að gera við að sækja þau námskeið sem við eigum eftir að klára! Þið getið fylgst með ykkar námsferli með því að smella hér og skrá ykkur inn. Hafið samband við skrifstofuna ef vandræði eru með innskráningu.

Gott er að skrá sig tímanlega á námskeiðin - en þó ekki með svo löngum fyrirvara að námskeiðin gleymist eða að ske kynni að dagskráin ykkar breytist mikið. Ef svo fer er nauðsynlegt að senda póst til Björgunarskólans og afskrá sig af námskeiðinu.

Athugið einnig að Björgunarskólinn er með fjarnám í flestum grunnnámskeiðunum. Þið sjáið þau námskeið með því að fara inn á dagskrá Björgunarskólans og smella á "Staðsetning" í efstu línunni. Færið ykkur svo neðar á síðunni þar til þið sjáið "Fjarnám" í staðsetningarreitnum og þá sjáið þið hvenær hvert námskeið er keyrt. Hér getið þið svo skráð ykkur á fjarnámsvefinn.

Námskeiðin Öryggi við sjó og vötn, Björgunarmaður í aðgerðum, Hópslys og Aðkoma að flugslysum eru þó alltaf opin svo hægt er að taka þau heima þegar tími gefst til af fjarnámsvefnum - þótt auðvitað sé ákjósanlegt að taka þau í hóp og eru þau haldin reglulega í húsi hjá okkur.

Athugið sérstaklega námskeiðin sem miðað er við til að komast á útkallslista og svo til þess að ljúka Björgunarmanni 1, 2 og 3.

Farið inn á dagskrána hjá Björgunarskólanum hér til að skrá ykkur á námskeið.