Aðstoð við rjúpnaskyttu

Í dag fóru Elmar og Hlynur til aðstoðar rjúpnaskyttu sem hafði misst bílinn sinn út af veginum ofan við Þormóðsstaði í Sölvadal. Bíllinn var kominn út af veginum í sneiðingunum ofan við Þormóðsstaði og var í þann veginn að falla fram af. Félagi mannsins var líka á staðnum.

Hlynur og Elmar fóru á tveimur jeppum, Patrol hjálparsveitarinnar og einkabíl Elmars til að spila bílinn upp. Það gekk vel og gátu mennirnir haldið heim á leið um 5 leytið.