Ökumaður í vanda við Möðrufell.

Bíllinn fastur í skurðinum

Stór pallbíll með hestflutningavagn lenti útaf heimreiðinni á Möðrufelli í byrjun mánaðarins. Ökumaðurinn ætlaði sér að keyra upp heimreiðina en var ekki staðkunnugur þannig að hann gerði sér ekki grein fyrir brattanum á heimreiðinni.

Þrír menn fóru frá okkur á bíl auk þess að Hlynur á Kvisti kom á stórri dráttarvél. Þurfti mikil átök til að draga bílinn og vagninn, sem vógu um 5 tonn upp á veginn aftur.

Bílstjórinn var mjög þakklátur aðstoðinni enda var hann orðinn nett taugastrekktur eftir þessa uppákomu.

Bíllinn og vagninn skemmdust lítillega.