Flýtilyklar
Samningur milli Slökkviliðs Akureyrar og Hjálparsveitarinnar Dalbjargar
16.12.2008
Þorbjörn og Helgi handsala samninginn
Þann 15. desember undirrituðu Þorbjörn Haraldsson slökkviliðsstjóri og Helgi Schiöth félagi í Hjálparsveitinni Dalbjörg samstarfssamning milli Slökkviliðs Akureyrar og Hjálparsveitarinnar Dalbjargar.
Samningurinn felur í sér að Hjálparsveitin Dalbjörg tekur að sér að aðstoða Slökkvilið Akureyrar við slökkvi- og björgunarstörf í Eyjafjarðarsveit og nágrenni.Slökkvikerra með dælu, slöngum og öðrum búnaði verður staðsett í Bangsabúð, húsnæði hjálparsveitarinnar að Steinhólum. Slökkvilið Akureyrar mun sjá um að þjálfa og halda æfingar fyrir hjálparsveitina en ráðgert er að innan hennar muni 6-8 manna hópur sjá um þennan þátt. Þar að auki mun Slökkviliðið styðja við bakið á hjálparsveitinni með námskeiðum og annarri fræðslu. Þessi samningur er stór viðurkenning fyrir Dalbjörg á því starfi sem hún hefur sinnt síðustu ár.
comments powered by Disqus