Fjölskyldudagur Dalbjargar - og skráning á Landsþing!

Takk fyrir skemmtilegan dag, þið sem tókuð þátt í flugslysaæfingunni!

Næsta fimmtudag - uppstigningardag - 9. maí - verður fjölskyldudagur Dalbjargar haldinn uppi á Víkurskarði. Við ætlum að hittast þar kl. 11:00 með okkar besta skap, snjóþotur, sleða, skíði, bretti eða hvað sem ykkur dettur í hug og skemmta okkur saman. Pylsur og með því verða í boði fyrir alla sem vilja. Megið endilega láta vita í kommentum hvort þið komið. 

Svo verður nóg að gera út maímánuð, því að helgina 24.-25. maí verða Landsþing Slysavarnafélagsins Landsbjargar, Björgunarleikar og árshátíð S.L. haldin hér á Akureyri. 

Helgin byrjar með hittingi á föstudagskvöldinu í Laugarborginni okkar, þar sem við munum grilla og skemmta okkur með öðrum sveitum. Snemma á laugardaginn byrja svo Björgunarleikar og Landsþing sem standa yfir daginn. Árshátíðin verður haldin með pompi og pragt í Íþróttahöllinni um kvöldið. Miðaverð á árshátíðina er kr. 6.400 og mun Dalbjörg greiða niður a.m.k. helming fyrir hvern félaga. 

Nauðsynlegt er að skrá sig á herlegheitin, en skráningin fer fram á innra svæðinu á Landsbjargarsíðunni. Notandanafn er kennitalan ykkar og lykilorð hafið þið sjálf búið til. Ef þið hafið aldrei farið inn á innra svæðið er fyrsta lykilorðið: Fyrstu fjórir stafirnir í nafninu ykkar (fyrsti stafurinn stór), punktur, 1234. T.d. Kristján - Kris.1234    Ef vandræði eru með skráningu getið þið haft samband við skrifstofu S.L. í tölvupósti eða síma.

Vonandi sjáum við sem flesta á fimmtudaginn og auðvitað fjölmennum við á allt saman 24.-25. maí!