Fundur annað kvöld

Fyrsti almenni fundur ársins verður haldinn annað kvöld, sunnudagskvöldið 3. janúar. Hann verður í Bangsabúð að venju kl. 20:30. Þar verður rætt um margt og mikið.

Það verður farið yfir flugeldasöluna sem gekk mjög vel, einnig tölum við um sleðamálin og hvernig þau standa. Við ætlum líka að fara yfir einstaklingsbúnaðinn og ræða um stórt námskeið sem verður haldið hjá okkur 15.-17. janúar, Fjallamennska 1 - félagar mega fara að huga að því að skrá sig á landsbjorg.is. Svo verður almenn dagskrá vetrarins rædd.

Í tilefni af velgengni á liðnu ári ætlar stjórnin að bjóða upp á alveg einstakt fundarkaffi sem verður með eindæmum glæsilegt.

Það eru allir hvattir til að mæta á þennan fyrsta fund ársins og eiga skemmtilega stund saman.