Fyrsti almenni fundur vetrarins

Hefur þú áhuga á útivist, ferðalögum og skemmtilegum félagsskap? Þá er Hjálparsveitin Dalbjörg málið fyrir þig.

Fyrsti almenni fundur vetrarins verður í Bangsabúð sunnudaginn 12. september kl. 20:00, ásamt kynningu á starfinu fyrir nýja félagsmenn. Starf í björgunarsveit er allt í senn gefandi, skemmtilegt og krefjandi og á meðal þess sem nýliðar fá þjálfun í er fjallamennska, rötun, fyrsta hjálp, leitartækni og ferðamennska.

Við vonumst til að sjá fólk á öllum aldri, konur jafnt sem karla, til að kynna sér skemmtilegt starf hjálparsveitarinnar.

Kær kveðja, Hjálparsveitin Dalbjörg.