Maður sóttur í Laugarfell

Miðvikudagskvöldið 17. mars fékk Hjálparsveitin Dalbjörg beiðni um að sækja mann upp í Laugarfell. Hann var í gönguhóp sem átti leið um svæðið, en hafði orðið fyrir því óhappi að detta og fara úr axlarlið við fallið. Þar sem hann var við góðar aðstæður í Laugarfelli var tekin ákvörðun um að sækja hann morguninn eftir, en gönguhópurinn hélt áfram sína leið. Farið var á báðum bílum sveitarinnar með 4 menn og ferðin gekk vel.