Útkall á Garðsárdal

Laugardaginn 5. september fengu Hjálparsveitin Dalbjörg og Súlur, björgunarsveitin á Akureyri útkallsbeiðni vegna manns sem hafði slasast í göngum inn á Garðsárdal.
Beiðnin barst rétt fyrir kl 19:00 og frá okkur fóru 8 manns á 3 bílum. Báðar sveitir voru komnar á staðinn fyrir 19:30. Maðurinn var settur í börur og inn í björgunarsveitarbíl sem flutti hann niður á veg. Þar beið hans sjúkrabíll sem flutti hann á sjúkrahúsið á Akureyri.