Útkall í Reykárhverfi

Hjálparsveitin Dalbjörg var kölluð út um kl. 18 í kvöld í Reykárhverfi í Eyjafjarðarsveit. Þar hafði orðið mikið vatnstjón innandyra í íbúðarhúsi þegar að heitt vatn flæddi um öll gólf.
Á annan tug björgunarsveitarmanna vann við að forða búslóð íbúanna úr húsinu út í bíla og flytja það í annað húsnæði.

Björgunarsveitarmenn ætla að vinna fram á kvöld við að rífa parket af gólfum til að freista þess að þurrka húsnæðið sjálft.


Björgunarsveitarmenn að störfum í kvöld.