Útkall í Þorgeirsfjörð

Þönglabakki í Þorgeirsfirði

Tækjaflokkur Dalbjargar var boðaður út kl 21:30 í gærkvöldi vegna veiks manns í Þorgeirsfirði út í Fjörðum. Fóru sjö manns á tveimur jeppum úteftir til aðstoðar.

Sjúkrabifreið með þremur sjúkraflutningamönnum fór áleiðis á staðinn ásamt björgunarsveitinni Ægi á Grenivík en þar sem slysið var utan alfaraleiðar voru fleiri björgunarsveitir  boðaðar út til aðstoðar.

Þyrla Landhelgisgæslunnar var einnig boðuð út og sótti hún manninn og lenti með hann á Akureyri rétt fyrir miðnætti.