Fréttir

Fjölskyldudagurinn heppnaðist vel í alla staði. Um 40-50 manns mættu upp á Víkurskarð í fínu veðri og sást meira að segja til sólar part úr degi.

Ný stjórn var kosin á aðalfundi Hjálparsveitarinnar Dalbjargar í gær. Kosnir voru formaður, sérstakri kosningu, og síðan þrír stjórnarmenn. Eftir fundinn sagði gjaldkeri sveitarinnar af sér, þannig að fyrsti varamaður gekk inn í stjórn. Er hún sem hér segir:

• Pétur Róbert Tryggvason, formaður
• Viðar Garðarsson
• Eiður Jónsson
• Ragnar Jónsson
• Jóhannes Jakobsson

Hinir nýju stjórnarmenn hittast von bráðar á sínum fyrsta stjórnarfundi og munu þá skipta með sér verkum.

Nú er komið að hinum árlega fjölskyldudegi Dalbjargar. Hann verður haldinn næsta sunnudag, þann 18. apríl uppi á Víkurskarði.

Aðalfundur Dalbjargar verður haldinn í Sólgarði, fimmtudaginn 15. apríl kl. 20:30. Á dagskrá eru venjuleg aðalfundarstörf.

Nú eru Dalbjargarmenn að hugsa um að fylgja tískunni og gera sér ferð að gosstöðvunum á Fimmvörðuhálsi. Ekki viljum við vera eina fólkið á landinu sem ekki sér þetta mikilfenglega gos!

Hjálparsveitin Dalbjörg var kölluð út ásamt Björgunarsveitinni á Dalvík kl. 01:00 aðfaranótt föstudags. Þá var þegar búið að kalla út Súlur, björgunarsveitina á Akureyri.

Um næstu helgi, 26.-28. mars verður Dalbjargarferðin mikla farin. Nú hefur verið ákveðið að fara upp í Réttartorfu ásamt 4x4 klúbbnum og þaðan til að skoða Geysisflakið.

Miðvikudagskvöldið 17. mars fékk Hjálparsveitin Dalbjörg beiðni um að sækja mann upp í Laugarfell. Hann var í gönguhóp sem átti leið um svæðið, en hafði orðið fyrir því óhappi að detta og fara úr axlarlið við fallið. Þar sem hann var við góðar aðstæður í Laugarfelli var tekin ákvörðun um að sækja hann morguninn eftir, en gönguhópurinn hélt áfram sína leið. Farið var á báðum bílum sveitarinnar með 4 menn og ferðin gekk vel.

Eins og flestir vita var áætlað að samtvinna Dalbjargarferðina við Tækjamót Landsbjargar. Nú er komið í ljós að Tækjamótið verður ekki haldið, en við höldum þó ótrauð áfram og ætlum okkur í skemmtilega ferð helgina 26.-28. mars.

Þar sem að hætt var við að renna suður í Hvanngil um þessa helgi hefur Kári á Dalvík boðist til að lóðsa sleðadeildir um túnfótinn hans. Sunnudagurinn er líklegastur upp á veðurspá, þannig að ferðatilhögun ræðst af því. Þeir sem vilja drífa sig með ættu að heyra í Kára í síma 823-3722 (á morgun).