Fréttir

Almennur fundur verður næsta sunnudag, 5. apríl kl. 20:30. Þetta verður skemmtilegur og efnismikill fundur og því er um að gera að mæta.

Nú líður að aðalfundi og þá verður kosin ný stjórn. Þeir sem hafa áhuga á því að bjóða sig fram til stjórnarsetu ættu því að fara að huga að því.

Fimmtudagskvöldið 26. mars, eða næsta fimmtudag, verður haldinn fundur í Súluhúsinu í tilefni af stjórnarheimsókn á svæði 10, 11 og 12.

Aðalfundur Dalbjargar verður haldinn í Sólgarði fimmtudagskvöldið 16. apríl kl. 20:30. Á dagskrá eru venjuleg aðalfundarstörf.

Það verður kaffi og meðlæti á boðstólnum, og við hvetjum sem flesta til að mæta.

Kveðja stjórnin.

Hjálparsveitin Dalbjörg fékk útkall upp úr kl 18 í dag vegna tveggja skíðagöngumanna sem voru í vanda á hálendinu. Skíðagöngufólkið, maður og kona frá Frakklandi, voru á göngu suður yfir hálendið. Þau lentu í vondu veðri í dag og fauk tjald þeirra niður. Þau óskuðu eftir hjálp í gegnum tengilið sinn í Frakklandi sem kom skilaboðunum áfram til Slysavarnarfélagsins Landsbjargar.

 

Nú hefur verið ákveðið hvert á að fara í ferðinni um næstu helgi. Hér kemur ferðaáætlunin:

Eins og flestir vita verður Stóra Dalbjargarferðin farin helgina 13.-15. mars, og verður það að vanda mikið fjör. Það er enn ekki ákveðið hvert verður farið, þannig að ef þið eruð með sniðugar uppástungur eða hugmyndir megið þið endilega hafa samband.

Í gærkvöldi var vinnukvöld hjá sleðaflokki. Fengum við inni hjá Halla Gulla og Bubba í Iðnaðarbilinu þeirra við Goðanes. Þar mættu Pétur, Palli, Smári, Bubbi K, Bubbi T, Viðar og Erna og sinntu viðhaldi á sleðunum.

Almennur fundur var í kvöld fram í Bangsabúð. Voru mættir yfir 20 manns og farið yfir dagskrána á næstunni. Helst ber að nefna Dalbjargarferðina sem verður farin um aðra helgi og allir hvattir til að taka helgina frá og mæta.

Um helgina var tvisvar óskað eftir aðstoð Dalbjargarmanna við jeppamenn. Á laugardagskvöldið óskuðu jeppamenn eftir aðstoð í Vatnahjalla, en þeir voru að koma ofan úr Laugafelli í mjög þungu færi og komnir niður að sneiðingunum, sem voru þá slétt fullir og ófærir.